Vöruskil og ábyrgð
Skilafrestur vöru er 30 dagar gegn framvísun reiknings. Vörur á reikningi þessum teljast eign seljanda þar til þær eru að fullu greiddar. Rafmagnsvörur eða sérpantanir eru ekki teknar til baka.
Ábyrgð seljanda nær ekki til tjóns sem hlýst af rangri notkun, samsetningu eða ísetningu á annars gallalausri vöru sem seld er hjá seljanda. Sjá nánar um ábyrgðarskilmála.
Af gefnu tilefni vill Arctic Trucks benda á að of lítill loftþrýstingur í dekkjum getur valdið slysahættu. Öll notkun á dekkjum undir uppgefnum loftþrýstingi framleiðanda er á ábyrgð kaupanda ásamt skemmdum sem kunna af því að hljótast.
Ábyrgðarskilmálar
Arctic Trucks veitir tveggja ára ábyrgð á verksmiðju- eða efnisgöllum á tækjum eða hlutum sem tilgreindir eru á reikningnum og framkvæmir í því sambandi nauðsynlegar viðgerðir kaupanda að kostnaðarlausu. Ábyrgðin nær eingöngu til tækisins/hlutarins sjálfs, en ekki til tjóna sem verða vegna bilunarinnar þ.m.t. óþægindi, ferða- eða flutningskostnað, símtöl, gistingu, tap á persónulegum eignum eða öðrum verðmætum og tekjutap.
Ábyrgðin nær ekki til eðlilegs slits vegna notkunar og sérstök ábyrgð hjólbarðaframleiðandans gildir um hjólbarða. Arctic Trucks hefur rétt á því að yfirfara tækið/hlutinn og koma í samt lag aftur án þess að til útskiptingar tækis/hlutar þurfi að koma.
Það er skilyrði fyrir ábyrgðinni að kaupandi hafi kynnt sér meðferð tækisins/hlutarins og fari að öllu leyti eftir leiðbeiningum framleiðanda. Kaupandi skal halda tækinu/hlutnum vel við enda nær ábyrgðin ekki til skaða eða bilana sem stafa af flutningi, rangri meðferð eða misnotkun, slælegu viðhaldi, slysni eða óhöppum, náttúruhamförum o.s.frv.
Önnur skilyrði ábyrgðarinnar eru almenns eðlis, s.s. að bilun sé tilkynnt fljótt og að ekki hafi verið átt við tækið/hlutinn af aðilum óviðkomandi seljanda nema í samráði við hann.